Uji Dea

Këshilli i Bashkësisë Islame në Gjilan shtroi iftar për jetimët e Gjilanit

/ 1 minutë lexim

Gjilan – Në këto ditë të fundit të Ramazanit, kryetari i Këshillit të Bashkësisë Islame në Gjilan, Naim ef. Aliu, ka shtruar iftar për jetimët e Gjilanit.

Edhe pse numri i jetimëve të regjistruar është më i madh, në këtë iftar morën pjesë 93 jetimë me kujdestarët e tyre.

Kryetari i KBI në Gjilan mbajti një fjalë rasti, ku mes të tjerash theksoi: “Jemi shumë krenarë dhe të lumtur që edhe në këtë Ramazan realizuam iftarin me ju. Ju jeni mysafirët më të veçantë të KBI-së në këtë Ramazan!”

KKGjilan

Një gjilanas, i cili jeton dhe punon në Zvicër, ka dhuruar nga një shumë të hollash për secilën familje me jetimë për nder të Bajramit të Fitrit.

Për realizimin e këtij iftari kontribuuan nga sadakaja dhe zeqati i tyre Abdurrahman Brahimi me 500 Euro, Florim Spahiu me 500 dhe Faton Hasani me 200 Euro ka njoftuar Aim Hyseni./rajonipress/