Këshilli i Bashkësisë Islame i dhuroi Bibliotekës së qytetit 110 tituj me 452 ekzemplarë

Gjilan – Zyrtarë të Këshillit të Bashkësisë Islame në Gjilan në krye me kryetarin Naim Aliu vizituan Bibliotekën e qytetit “Fan S.Noli” ku u mirëpritën nga drejtori Qazim Azizi dhe stafi i tij.

Arsyeja e vizitës ishte dorëzimi i një fondi të konsiderueshëm të librave të botuara nga Kryesia e Bashkësisë Islame e Kosovës. U dhuruan 110 libra , revista dhe periodiku i botuar nga BIK, gjithsej 452 ekzemplarë. Kryetari i Bashkësisë Islame në Gjilan gjithashtu u premtoi se në të ardhmen për çdo botim të Bashkësisë Islame, bibliotekës së qytetit do t`i dhurohen nga 5 ekzemplarë.

Drejtori i Bibliotekës Qazim Azizi ishte shumë falënderues duke thënë se bibliotekës së qytetit iu shtua edhe një kënd i librave të cilës i ka munguar deri më sot./rajonipress/