Këshillat lokale angazhohen në procesin e regjistrimit të objekteve të banimit

Kamenicë – Në mbledhjen e sotme me kryetarët e këshillave lokale, kryetari i komunës së Kamenicës, Begzad Sinani, dhe drejtori i Urbanizmit Ilir Kastrati, folën për rëndësinë e procesit të regjistrimit të shtëpive dhe objekteve tjera për legalizim.

Njëherit nga kryetarët e këshillave lokale kërkuan që t’i shtojnë aktivitetet në terren, që procesi i regjistrimit të objekteve të banimit dhe objekteve tjera të kryhet me sukses në komunën e Kamenicës.

Sinani, personalisht do të angazhohet për shtyrjen e këtij procesi përpara. “Nesër në mënyrë simbolike do ta regjistroj shtëpinë e tij, ashtu do të veprojnë udhëheqja komunale, pastaj do të vazhdohet me punëtorët e administratës komunale, arsimit dhe ata të shëndetësisë. Ne me shembullin tonë mund të ndikojmë në suksesin e këtij procesi”, tha Sinani.

Regjistrimi i cili është falas, bëhet në Drejtorinë për Kadastër, Gjeodezi dhe Pronësi. Regjistrimi vlen edhe për shtëpitë që kanë qenë të regjistruara para luftës, por duhet sjellë dokumentacionin e vjetër.

Duke i regjistruar të gjitha objektet mundësohet krijimi i një data baze për të gjitha objektet e komunës.

Kryetarët e Këshillave Lokale kërkuan që në zhvillimin e aktiviteteve në terren të përfshihen zyrtarë nga Drejtoritë e Urbanizmit dhe Kadastrit, të cilët mund ta shpjegojnë më mirë rëndësinë e këtij procesi./rajonipress/