Kërkojnë llogari nga Thaçi

Partitë opozitare, LDK, Vetëvendosje dhe AAK, po planifikojnë ta thërrasin Hashim Thaçin në Parlament për të dhënë llogari për takimin me Ivica Dacicin. Ato duan të dinë temat që u diskutuan në takim. Nga ana e tij, Kryeministri ka thënë se kontakte me palën serbe do të ketë edhe në nëntor, derisa paraprakisht do ta informojë skenën politike të vendit.

Partitë opozitare pritet të thërrasin në Parlament Kryeministrin Hashim Thaçi për të dhënë shpjegime për takimin që ka pasur të premten në Bruksel me Kryeministrin e Serbisë, Ivica Dacic.

Lidhja Demokratike, Lëvizja Vetëvendosje dhe AAK planifikojnë të kërkojnë nga kryeministri të tregojë për temat që janë diskutuar në takimin me Dacicin, rezultatet dhe për çka pritet të bisedohet në takimet e radhës.

Por, asnjëra prej partive opozitarë nuk e di saktë se kur do të kërkojnë nga Shefi i Qeverisë të del para foltores së Kuvendit për të dhënë shpjegimet për takimin e parë në nivel të kryeministrave që prej shpalljes së pavarësisë së Kosovës.(express)