Kërkoi ndihmë në Emergjencën e Gjilanit, i bije nga rrobat kokaina

Gjilan – I dyshuari mashkull kosovar kishte kërkuar ndihmë mjekësore në Emergjencën e spitalit si pasojë e lëndimeve të pësuar në një aksident trafiku. Gjatë ekzaminimit mjekësor është vërejtur se pacientit i kishte rënë nga rrobat një substancë e dyshuar narkotike e llojit kokainë.

Njësia policore në vendin e ngjarjes ka konfiskuar substancën narkotike e cila pas matjes ka rezultuar me peshë 15.4 gram.

Lidhur me rastin prokurori kujdestar nuk ka marrë vendim për ndalimin e të dyshuarit për shkak të natyrës së lëndimeve trupore tek i dyshuari.

Rasti nën hetime njoftoi policia e Kosovës./rajonipress/