Kërkohet më shumë përgjegjësi nga punëtorët e administratës

Kamenicë – Shefi i personelit Shevqet Rexha, ka mbajtur një takim me përgjegjësit, shefat e sektorëve të ndryshëm të administratës komunale.Rexha, potencoi nevojën e bashkëpunimit dhe koordinimit sa më të mirë të punëve, për të mirën e qytetarëve.

Qëllimi i këtij takimi ishte njoftimi me shefin e ri, bisedimi për bashkëpunim, trajtimi i disa çështjeve me rëndësi, si: organizimi dhe funksionalizimi i administratës komunale, efikasiteti, disiplina, respektimi i orarit të punës, respektimi rigoroz i ligjit për ndalimin e duhanit, respektimi i hiarkisë, si dhe çështjeve tjera që ballafaqohen këta gjatë punës së përditshme.

Rexha, potencoi nevojën e bashkëpunimit dhe koordinimit sa më të mirë të punëve, për të mirën e qytetarëve.

Ai pranoi se ka probleme sa i përket hapësirës, por me rregullimin e objektit të ri do të zgjidhen këto probleme. Përgjegjësit në diskutimet e tyre shtruan shumë çështje: si dallimet në koeficient të pagave dhe kërkuan që të barazohen sepse ka laramani të madhe, ku shefi i personelit i kujtoi se kjo çështje do të rregullohet me klasifikimin e vendeve të punë.

Përgjegjësi i qendrës për regjistrimin e bizneseve Sali Canaj, shtroi disa probleme që ballafaqohet me mos çregjistrimin e bizneseve me rastin e pushimit të aktiviteteve.

Shefi i zyrës ligjore Avni Hoda, shtroi çështjen e stazhit që nuk komunën tonë nuk është paguar, e as pagesa e stazhit. Me diskutime u paraqiten edhe Arif Skoverçani, Agim Avdullahu, Rifat Hajdari dhe Zjadin Thaçi.

Rexha, tha se takimet e tilla do të vazhdojnë edhe në të ardhmen me përgjegjësit e sektorëve dhe zyrtarët tjerë./rajonipress/