Kërkohet hapja e degës së gjuhës shqipe në Preshevë, dorëzohet shkresa në Universitetin e Beogradit

Kryetari i Këshillit Kombëtar Shqiptar në Luginë, Nevzad Lutfiu ka njoftuar se zyrtarisht ka kërkuar hapjen e degës së gjuhës shqipe në Preshevë.

Në një postim në Facebook, Lutfiu shkruan se shkresën ia ka drejtuar Universitetit të Beogradit Fakultetit Filologjik, transmeton Telegrafi.

“Me kërkesë të njëjtë iu drejtova dhe Ministrisë së Arsimit të Serbisë. Përveç kësaj kërkova edhe takim për t’i konkretizuar gjërat. Kjo katedër merr kuptimin e plotë kur e ka të hapur degën e saj në Preshevë, në qytetin që është i banuar me mbi 95% shqiptarë”, ka theksuar ai.

Tutje,Lutfiu ka shtuar se hapja e kësaj dege përbën interes edhe për qytetet e rajonit të cilat janë afër Preshevës e që nuk e kanë këtë fakultet./Telegrafi/