Kërkoheshin nga Gjykata, arrestohen nga policia

Gjilan – Në dy lagje të qytetit të Gjilanit policia ka arrestuar personat e kërkuar me urdhër të Gjykatës dhe të njëjtit janë dërguar në burgun e Dubravës. Në këtë aksion është arrestuar edhe një femër.

Në rrugën “Adem Jashari”, në Gjilan në bazë të urdhëresës së lëshuar nga gjykata është arrestuar i dyshuari mashkull shqiptar dhe i njëjti dërgohet në vuajtje të dënimit.

Poashtu në të njëjtën rrugë në bazë të urdhëresës së lëshuar nga gjykata është arrestuar i dyshuari mashkull shqiptar dhe i njëjti dërgohet në vuajtje të dënimit në burgun e Dubravës.

Kurse në rrugën “Mulla Idrizi”, në Gjilan në bazë të urdhëresës së lëshuar nga gjykata është arrestuar e dyshuara femër K-Shqiptare dhe e njëjta dërgohet në vuajtje të dënimit në burgun e Dubravës./rajonipress/