Kërkohej nga policia, gjatë bastisjes në shtëpi i gjejnë armë dhe fishekë

Gjilan – Drejtoria Rajonale e Policisë, njësiti i hetimeve të Stacionit Policor në Gjilan me datën 23.03.2023 pas informatave të marra përmes rrugëve operative ka arritur që të lokalizoj dhe arrestoj të dyshuarin S.L. (viti i lindjes 1981, mashkull kosovar shqiptar) i cili ishte vënë në kërkim policor me dyshimin e përfshirjes së tij në një rast të “Shkaktim i rrezikut të përgjithshëm” i datës 22.03.2023.

Gjatë kontrollimit tek i dyshuari nga zyrtarët policor është gjetur dhe konfiskuar një (1) revole e tipit Gardinof e kalibrit 7.65 mm, një (1) fishek i kalibrit 7.65 mm, një (1) karikator dhe një (1) brisk si dëshmi për gjykatën.

I dyshuari pas arrestimit është intervistuar në prezencë të avokatit mbrojtës.

Në lidhje me rastin është njoftuar Prokurori i Shtetit i cili ndaj të dyshuarit ka lëshuar masën e ndalimit për 48 orë dhe rasti me kallëzim penal do të përcillet në Prokurorinë Themelore njoftoi policia e Gjilanit./rajonipress/