Kërkohej në Gjermani për vrasje, arrestohet në Milano

23-vjeçari shqiptar akuzohet se ka vrarë me thikë një 18-vjeçare në qytetin gjerman Aachen

Një 23-vjeçar shqiptar, i kërkuar për vrasje nga autoritetet gjermane, është arrestuar në aeroportin e Malpensas në Milano këtë të martë, teksa tentonte të arrinte në Shqipëri.

Lajmin e raportojnë mediat italiane, por pa bërë të ditur identitetin e personit të vënë në pranga.

“Ai ka vrarë një grua me thikë gjatë një grabitjeje në Aachen. Pas plagëve të marra, ajo ndërroi jetë në spital”, raporton ANSA.

Sipas raportimeve të mediave italiane, shqiptari u paqarit në kontrollin e pasaportave të aeroportit.

Pavarësisht se nga autoritet italiane rezultonte i ‘pastër’ në sistem, pyetjet dhe verifikimet e mëtejshëm që u bënë zbuluan se ndaj të riut rendonte një urdhër-arrest ndërkombëtar për vrasje, shkruan ‘Panorama’.

Pas vënies në pranga, ai është dërguar në burgun e Busto Arsizio dhe pritet të ekstradohet drejt Gjermanisë, përcjell albinfo.ch.

Ngjarja ka ndodhur janarin e vitit 2017. Shqiptari u fut për të vjedhur në një banesë në qytetin gjerman Aachen. Por, një nga personat që banonte aty, një 18-vjeçare, e hetoi.

23-vjeçari e qëlloi me thikë atë. Policia mori alarmin për ngjarjen rreth orës 1.45. Vajza mbeti e lënduar rëndë dhe më pas ndërroi jetë në spital. Në Gjermani raportohet se shqiptari kishte shkuar si refugjat rreth tre vjet më parë.

http://www.albinfo.ch/kerkohej-ne-gjermani-per-vrasje-arrestohet-ne-milano/