Kërkesë për caktimin e arrestit shtëpiak ndaj të dyshuarit për legalizim të përmbajtjes së rreme

Gjilan – Prokuroria Themelore në Gjilan, sot ka paraqitur kërkesën për caktimin e masës së arrestit shtëpiak, ndaj të dyshuarit R.O., për shkak të dyshimit se ka kryer veprën penale “Legalizim i përmbajtjes së rreme”.

Sipas kërkesës, ekziston dyshimi i bazuar se, në kohë të pacaktuar, në Gjilan, i dyshuari R.O., edhe pse kishte arritur moshën e pensionimit, me qëllim që të vazhdonte edhe një vit punën si mjek në Spitalin Regjional në Gjilan, kishte nxjerrë certifikatën e lindjes, në Zyrën e Ofiqarisë në Gjilan, në të cilën kishte ndërhyrë duke e ndryshuar vitin e lindjes, ku të njëjtën pastaj e ka dorëzuar në Spital, me ç’rast ka vënë në lajthim administratën e Spitalit.

Në këtë mënyrë, i njëjti dyshohet se ka kryer veprën penale të lartshënuar, pasi që moshën e pensionimit e kishte arritur më 24 korrik 2016, mirëpo përkundër kësaj kishte vazhduar punën deri më 24 korrik 2017./rajonipress/