Kërkesa për heqjen e vizave, në maj

Ministri i Integrimeve Evropiane, Bekim Çollaku, ka thënë se pret që në muajin maj Kosova do ta njoftojë Komisionin Evropian për përmbushjen e kritereve për liberalizimin e vizave. Kjo pasi, sipas tij, tani Kosova është në fazën përfundimtare të përmbushjes së të gjitha kritereve.

Mirëpo, anëtarët e Komisionit për Integrime Evropiane e kanë kritikuar Qeverinë e Kosovës për dinamikë të ulët të sjelljes në Kuvend të ligjeve që kanë të bëjnë me këtë çështje.

Ndërsa, njohësit e proceseve integruese kanë thënë se ende nuk mund të parashikohet se kur do të mundë të merret vendimi për heqjen e vizave për qytetarët e Kosovës.

Ministri Bekim Çollaku, ka thënë se deri në maj Kosova duhet të miratojë edhe nëntë ligje nga kjo fushë, si dhe të përmbushë edhe disa çështje teknike./zeri/