Kërcënon gruan me armë dhe ushtron dhunë fizike, arrestohet i dyshuari

Kamenicë – Policia e Kosovës Stacioni Policor në Kamenicë ka pranuar një informatë se i dyshuari Shqiptar shtetas i Kosovës me banim në Kamenicë në shtëpinë e tij ka kanosur me armë zjarri bashkëshorten e tij. Po ashtu ankuesja kishte deklaruar se i dyshuari kishte përdorur dhunë fizike ndaj saj.

I dyshuari është arrestuar nga Policia e Kosovës, njësitet reaguese në Kamenicë, te i njëjti pas intervistimit në shtëpinë e tij është gjetur dhe konfiskuar një revole.

Me vendim të prokurorit të shtetit ndaj të dyshuarit iniciohet kallëzim penal për veprat penale “Kanosje me armë, dhe Mbajtje në pronësi, në kontrollë, posedim i pa autorizuar i armës”.

Rasti procedohet në Gjykatë njoftoj Ismet Hashani./rajonipress/