Fundamenti

Kërcënohet avokati gjilanas nga i dyshuari me vepra të shumta penale

/ 2 minuta lexim
Fundamenti

Gjilan – Sot me datën 14.02.2024, rreth orës 10:33 minuta, pasi që avokati e kishte telefonuar për të marrë mendimin e një pale rreth një çështje të divorcit, në momentin që ka njoftuar qytetarin M. A. se e ka telefonuar në cilësinë e avokatit të ish bashkëshortes së tij dhe se ishte informuar nga klienta se edhe ky (M.A.) është i interesuar për divorc me marrëveshje dhe sa po e ka pyetur se a është i interesuar që të fillohet procedura me marrëveshje, i njëjti (M. A.) e ka kërcënuar rëndë avokatin dhe pastaj ka vazhduar që ta thërras vazhdimisht, duke e kanosur atë dhe familjen e tij, duke i kërkuar lokacionin që të vijë ku është avokati dhe atë me ton kërcënues, duke shkaktuar tek viktima frikë, pasiguri dhe ankth.

Po ashtu i njëjti M. A., menjëherë kishte thirrur në telefon edhe vëllaun e ish gruas së tij, duke e kanosur e duke sharë me ton kërcënues, vëllaun e ish bashkëshortes e duke i dërguar porosi përmes tij ish bashkëshortes në mënyrën më të vrazhdë.

Mobi Casa

Rasti është raportuar në polici në Gjilan dhe po ashtu dy viktimat tjera kanë raportuar rast në policinë e Ferizajit.

Me rastin është duke u marrë policia dhe në vazhdim pritet të shihet se çka do të vendosin prokurorët kujdestarë në PTH në Gjilan dhe Ferizaj./rajonipress/