Keni probleme me gjumë? Ju duhet një grusht nga kjo pemë verore!

Për shumicën pemë e preferuar, qershitë janë gjithmonë zgjedhje e duhur. Të pasura me antioksidues dhe kanë përbërës kundër inflamacioneve, prandaj edhe ngadalësojnë plakjen dhe mbrojnë nga sëmundjet kronike si kanceri, diabeti dhe mbipesha.

LUFTA KUNDËR DIABETIT

Marrë parasysh faktin se ndikojnë kundër inflamacioneve, qershitë janë shumë të mira për shëndetin, e në krahasim me pemët tjera, kanë indeks të ultë glikemik. Kjo do të thotë se nuk nxitin ngritjen dhe uljen e shpejtë të nivelit të sheqerit në gjak. Prandaj mbrojnë nga diabeti.

TË DOBISHME PËR GJUMË

Një nga ushqimet e rralla që përmban melatoninë, hormon që kontrollon ciklin e gjumit. Një studim te njerëzit që vuajnë nga pagjumësia ka treguar se në krahasim me ilaçet placebo, vetëm dy decilitra lëng qershie në mëngjes dhe po aq një apo dy orë para gjumit, shtojnë gjatësinë e gjumit për 24 minuta.

NDIHMOJNË TE ARTRITI

Shumë studime kanë dëshmuar se konsumimi i qershive ju ndihmon të sëmurëve nga artriti. Konsumimi i rregullt i qershive apo lëngut qind për qind të tyre gjatë apo mes shujtave pakësojnë dhimbjet në nyja.

(Kosova Sot)