Keni dëgjuar për kurën me tri lugë vaj ulliri në ditë, ja se çfarë shëron

Përfitimet shëndetësore nga konsumimi i vajit të ullirit janë fantastike për të gjithë organizmin.

Jo më kot cilësohet si ilaçi i jetëgjatësisë.

Në artikullin më poshtë, do të mësoni nga AgroWeb.org një kurë natyrale mirëbërëse për gjithë organizmin dhe efektiv për disa probleme shëndetësore në veçanti.

Kjo kurë natyrale ka të bëjë me konsumimin e 3 lugë gjellë vaj ulliri në ditë dhe ndihmon jo vetëm për të pasur një organizëm të fortë por edhe në parandalimin dhe trajtimin e disa problemeve shëndetësore, të cilat AgroWeb.org i sjell më poshtë.

Redukton tensionin e lartë

Falë përmbajtjes së lartë të polifenoleve dhe acidit oleik, vaji i ullirit ndikon pozitivisht në reduktimin e tensionit të lartë.

Ndaj dhe konsumimi i tre lugëve vaj ulliri në ditë ndihmon në parandalimin e hipertensionit.

Ndihmon sistemin e tretjes

Vaji i ullirit mbron shëndetin e stomakut duke reduktuar aciditetin duke ndihmuar aparatin tretës në mirëfunksionimin e tij.

Përthithja e kalciumit dhe magnezit

Kalciumi dhe magnezi janë jashtëzakonisht shumë të rëndësishëm për shëndetin e organizmit.

Sipas të dhënave të AgroWeb.org, vaji i ullirit është një ndër produktet fantastike që ndihmojnë trupin në përthithjen më të mirë të kalciumit dhe magnezit që marrim përmes ushqimit.

Problemet me zemrën dhe kolesteroli në gjak

Konsumimi i tre lugë gjelle vaj ulliri në ditë ndihmon zemrën të jetë e shëndetshme dhe e fortë dhe të kryejë normalisht funksionimin e saj.

Vaji i ullirit konsiderohet si produkti më i mirë në parandalimin e problemeve me zemrën.

Vaji i ulliri ndihmon në uljen e nivelit të lartë të kolesterolit në gjak ndërsa përmirëson nivelin e pehazhit në trup.

Parandalon plakjen, rinon lëkurën

Përdorimet e vajit të ullirit në industrinë e kozmetikës janë gjithashtu të rëndësishme.

Si një antioksidues i fortë, vaji i ullirit ndihmon në parandalimin e plakjes, trajtimin e rrudhave si dhe mbajtjen e një lëkurë të freskët dhe elastike.

Ku të gjeni vaj ulliri cilësor

Nëse keni dyshime për vajin e ullirit që gjeni nëpër markete, zgjidhja më e mirë do të ishte që t’u drejtoheni fabrikave të prodhimit të vajit të ullirit.

Aty mund të shihni aty procesin e prodhimit të tij për t’u bindur që vaji që po blini është natyral dhe me cilësi të mirë.

Një tjetër mënyrë shumë e mirë e marrjes së vlerave të vajit të ullirit është edhe marrja e tij përmes ushqimit.

Duke e përdorur në gatime të ndryshme, nga sallatat, supat apo gjellët e deri edhe tek ëmbëlsirat e ndryshme.