Arta Osmani është lindur në Ferizaj dhe jeton qe shumë vite ne Gjermani dhe është një interpretuese dhe këngëtare e muzikës moderne popullore, e cila ka realizuar shumë hite vjet më parë.
Talenti dhe zëri i saj e bënë atë mjaft popullore për publikun shqiptar.
Arta tregon për jetën larg vendlindjes dhe planet rreth publikimeve të reja artistike që do të realizojë së shpejti.
“Ka për të pasur shumë risi nga unë, kam për të publikuar këngë të reja dhe duete. Projektet nuk janë finalizuar akoma, duhen regjistruar në studio dhe përgatitur klipet”, tregon ajo.
Përveç projekteve, këngëtarja pas pauzës 4-vjeçare ju është rikthyer koncerteve dhe mbrëmjeve të ndryshme.
Arta përndryshe është mjaft aktive dhe e ndjekur edhe në rrjetet sociale, përmes së cilave ndan me fansat fotografi të ndryshme nga jeta e saj.
