Këngëtari Gjilanas Granit Ismajli lanson albumin e tij të parë

Këngëtari i talentuar gjilanas, Granit Ismajli, brenda 24 orëve do ta lanson albumin e tij të parë me këngë popullore qytetare të vjetra.

Këngëtari Ismajli, siç bën të ditur në këtë album do të jenë gjithsej 8 këngë popullore e më tepër do të jenë këngë të vjetra burimore qytetare.
“Nesër do ta publikojmë albumin e parë timin, albumi do të ketë 8 këngë popullore dhe për çdo javë do ta publikojë nga një këngë për t’ju përgatitur fansave të mi befasi të këndshme, këtij albumi i kam kushtuar kujdes kërkesave të fansave me këngët të cilët i kanë kërkuar ata vetë dhe shpresoj se do të ndahen të kënaqur”, thekson këngëtari Ismajli.

Këngëtari gjilanas Granit Ismajli, ka falënderuar të gjithë ata që kanë kontribuar në formimin e këtij albumi i cili do të jetë me plotë surpriza.
“Pa bashkëpunëtorë ky album vështirë se do të mundej të realizohej, i jam shumë mirënjohës Genc Prelvukaj i cili ka bërë orkestrimin, me kitarë do të jetë kitaristi i madh Astrit Stafai, me klarinet do të jetë mjeshtri i madh Murat Ismajli ndërsa me piano do të jetë poashtu mjeshtri i madh Basir Racipi, ndërsa videoklipet i ka bërë Blackfish, poashtu një falënderim të veçantë ka bandi i mrekullueshëm Mallëngjim Talushi, Amir Raqipi, Endrit Rexhepi e Adriatik Kallaba”.

Talenti tani më i dëshmuar këngëtari Ismajli ka bërë të ditur se fansave dhe dashamirëve të muzikës shumë shpejt për respekt të tyre do t’ju bën edhe një befasi./rajonipress/