Këngë kushtuar dr. Ramadan Xhemës ( 1936 – 2020 )

Teksti, muzika dhe interpretimi: Demir Krasniqi

Për një atdhetar dhe njëzot të veprës –
Do t’ këndoj me shpirt dhe me xhan të zemrës !
Do t’i këndoj Doktorit trim , Ramadan Xhemsë –
Le e rritë n’ Tupallë , n’ komunë të Medvegjës !

Më datën 8 Dhjetor 2020 –
Na iku nga kjo botë njeriu i vërtetë !
Veprimtari i madh i kauzës kombëtare –
Le e rritë n’ Tupallë , në trojet shqiptare !

Doktor Ramadani u lind në vitin 1936 –
N’ familjen bujare që shumë e kanë dashtë !
N’ familjen e njohur të Muhaxhirëve t’ parë –
Nga Vranoci i Lebanës , t’ vendosur në Tupallë !

Shkollimi fillor i Ramadan Rexhës –
U krye n’ gjuhën serbe , në një shkollë t’ Medvegjës !
Pas shkollimit shkonte si deti tallaz –
Pas kësaj , n’ Prishtinë regjistrohet në gjimnaz !

Donte ta shijonte shkollimin në Kosovë –
Transferohet n’ shkollën e Mësuesisë n’ Gjakovë !
Por shumë kohë nuk ka kaluar –
Në gjimnaz u transferua për të diplomuar !

Pas këtij shkollimi , punon një kohë në Prishtinë –
Në detyrë të mësuesisë , diturinë e shkrinë !
Pastaj regjistrohet n’ Fakultetin e Mjekësisë –
Në qytetin e Rijekës , n’ shtet të Kroacisë !

Në vitin e dytë të studimeve të Mjekësisë –
Arrestohet nga UDB-ja e fashizmit të Serbisë !
Kështu Ramadanin e ngarkuan me shumë halle –
Gjoja për veprimtari në krijimin e Shqipërisë së Madhe !

Duke e transportuar për në burgun e Leskocit ,
Siç ishte shumë i shkathtë , që s’i gjendej shoqi –
Me duar të lidhura , i shqelmon policët përcjellës
Dhe kërcen nga vagoni i trenit pa asnjë pikë stres !

Kështu për një periudhë kohore jeton n’ arrati –
Porse nuk kalon shumë kohë , e arrestojnë përsëri !
Në Gjykatën e Leskocit , Ramadani do të lirohet –
Nga se në mungesë të fakteve , nuk mundë të dënohet !

Në t’ vërtetë , regjimit t’ asaj kohe prore ,
Të Serbisë fashiste dhe sllavo mizore –
I pengonte sjellja e Ramadan Xhemës ,
Pse kërkonte t’ drejta për shqiptarët e Medvegjës !

Edhe pas lirimit nga burgu i Serbisë –
Ishte nën përcjelljen e organeve t’ sigurisë !
Nuk e lenin kurrë tëhajë bukë rehat –
As gjumin e natës ta bëjë t’ lirë në shtrat !

Pavarësisht nga kjo , ai mbaron studimet themelore
Dhe e merr diplomën e mjekut , për shërime prore !
Për te s’ pati vend n’ Medvegjë , t’ punonte si mjek i parë –
Kishte dëshirë t’madhe , e vendi donte mjek shqiptarë !

Ai një kohë punoi si mjek në Prishtinë –
Dha kontribut t’ jashtëzakonshëm për mbarë popullsinë !
Qëndrimi i tij njihet kudo ndër gjithë mjekët –
S’ pari nga fshatrat pranonte për kontroll pacientët !

Duke thënë se ata kanë ecë fushë e mal –
Deri sa kanë mbërri me ardhë në spital !
Prapë duhet të bëjnë rrugë në kodra e në bri –
Bëjnë udhëtim të rëndë për t’u kthyer në shpi !…

Dr. Ramadani nuk u nda nga veprimtaria –
Për kauzën kombëtare shqiptare qysh se nga rinia !
Me këtë kauzë t’ hershme , deri n’ fund t’ jetës së tij –
Gjithmonë në rrugë të mbarë popullit donte t’ i prijë !

Kështu në fund të vitit 1980 ,
Duke i parë zhvillimet e asaj kohe të shkretë ,
Duke e ditur se është n’ shenjestër t’ UDB- së –
Ai migron në SHBA , për t’ shpëtuar nga këta t’ pa besë !

Edhe në SHBA e ruante ndërgjegjën,
Prej nga me të vëllanë Xhemë Xhemën –
Kontributin më tëmadh e dhanë për Medvegjën ,
Për çështjen kombëtare edhe për ndërgjegjen !

Me punën e tij t’ palodhur , sikur nëna për evlatin ,
Sidomos pas takimit me Jozef Diogardin –
Për çështje t’ Kosovës , punë t’ madhe ka ba ,
Për futjen e kësaj çështje n’ organet më të larta të SHBA !

Në takimin e Verës së 2001 – shës ,
Të mbajtur në hotelin “Grand” të Prishtinës –
Atë ditë edhe unë isha prezent me ta ,
Kur z. Jozef Diogardi mori fjalë dhe tha :

“Po parafrazoj , por nuk po flas gënjeshtra me rrema –
Se çka kanë bërë vëllezërit Ramadan dhe Xhemë Xhema !
Gjithë kah ku jetojnë shqiptarët në mbarë botën –
Asnjëshqiptarë nuk ka bërë më shumë për Kosovën !…

“Unë, falënderoj Zotin që më takoi me Dr. Ramadan Xhemën –
E m’ njoftoi hollësisht për Tupallën e Medvegjën !
Ramadanit i jam borxhlinj , që m’ tregoi se jam shqiptarë “-
Tha z. Diogardi , atë ditë – në Prishtinë kur kishte ardhë !

Dr. Ramadan Xhema , iku nga kjo botë e vështirë –
Me mallin e madh për vendlindjen e mirë !
Sepse edhe kur vinte atje , nuk ishte i lirë –
Ishte nën vëzhgim permanent , si rob i zënë jesirë !

Por asnjëherë , jo i frikësuar , as i dorëzuar –
Por i fortë , vizionar , i paepur , i pa dobësuar !…
Një pjesë të veprimtarisë dhe jetës së tij –
Doktor Ramadani e la trashëgimi !…

Në veprën e tij :” Nuk mposhtet shqiptari” –
Të botuar vite më parë në Prishtinë , së pari !
Tërë jetën , pasurinë e punën e tij që shkëlqeu –
Dr. Ramadan Xhema , ia fali kombit dhe atdheut !

Gjilan, më 08.12.2020 v.
Demir KRASNIQI