Këndellet Drita, triumfon ndaj Dukagjinit

Skuadra e Dritës në javën e 16 në Superligën e Kosovës në futboll, ka mposhtur Dukagjinin me rezultat 4-0. Serinë e golave në këtë takim e hapi, Arbnor Muja, i cili shënon në minutën e 8, kur të kaluar Dritën në epërsi.

Në minutën e 40, Dukagjini mbetet me një lojtarë më pak, pas një ndërhyrje të rrezikshme, Altin Merlaku ndëshkohet me karton te kuq. Drita ka mundur të dyfishoj epërsinë në pjesën e parë, por Ajzeraj gaboj në goditjen e penalltisë.

Drita arriti të dyfishoj epërsinë në minutën e 62, përsëri golashënues ishte Arbnor Muja. Në minutën e 83, pas një harkimi te mirë në zonë, më së miri gjendet lir Blakqori i cili shënon për 3-0. Rezultatin përfundimtar në këtë ndeshje e vulosi Ardit Tahiri në minutën e 93.

Me këtë fitore, Drita tani ka 28 pikë, 2 pikë më pak se Ballkani i cili është lider në Superligë./rajonipress/