Këmisha e poezisë
RajoniPress
07:50, 19 Maj, 2017
Poezi nga Avdush Canaj.
Këmisha e poezisë
është vetë metafora,
vargun e bënë të qeshë
si princin kurora.
Mbi krahët melodia
cicërimë trumcakësh!
Fjalëzat me gërshetëza
në valle zambakësh…
Janë kopësa me yje
krejt të vogëla fare,
ndonjëra për xhep hareje,
kush flutur për kollare…
Nëpër strofa rimash
ndjehen kapedan,
e dinë kush i gdhendi
me t`zemrës filigran.
