Kemajl Shahin nderohet me mirënjohje nga komuna

Gjilan – Kemajl Shahin i cili që nga viti 2001 ka udhëhequr komitetin për komunitete është nderuar me mirënjohje speciale nga ana e Lutfi Hazirit për promovimin e të drejtave të komuniteteve.

Kemajl Shahin të mërkurën ka marrë një mirënjohje speciale nga ana e Lutfi Hazirit për kontributin e ti8j të madh që ka dhënë për të drejtat dhe promovimin e komuniteteve në Gjilan.

Mirënjohja i është dorëzuar nga Valentina Bunjaku derisa vet Shahin tha se që nga viti 2001 kur e ka marrë pozitën e kryetarit të komuniteteve është ndier i lumtur që ka pasur mundësi të punojë për njerëzit e Gjilanit. “Komuna e Gjilanit ka bërë një promovim të madh në avancimin e jetës së komuniteteve dhe është komuna model në këtë drejtim. I falënderojë të gjithë ata që kanë bashkëpunuar me mua në avancimin e të drejtave të komuniteteve” tha Kemajl Shahin./rajonipress/