Kelani: Protestuesit kanë hedhur koktej molotovi ndaj Policisë

Baki Kelani, zëdhënës i Policisë së Kosovës, në një prononcim për KTV-në, ka thënë se protestuesit, përveç mjeteve të forta që kanë hedhur në drejtim të forcave policore, kanë hedhur edhe koktej molotovi.

“Përveç mjeteve të ndryshme që janë hedhur, protestuesit kanë hedhur edhe koktej molotovi ndaj Policisë së Kosovës. Ata kanë dëmtuar edhe automjete të policisë së Kosovës. Një prej tyre është dëmtuar në masë të madhe nga hedhja e koktej molotovit”, ka thënë Kelani për KTV, raporton Koha.net.

“6 zyrtarë policorë kanë kërkuar ndihmë në QKUK. Një prej tyre ka lëndime të rënda në kokë. Edhe një protestues është lënduar dhe ka kërkuar ndihmë mjekësore. Janë arrestuar 2 protestues që janë shoqëruar në stacionin policor tek të cilët janë gjetur edhe bombola të koktej molotovit”, ka theksuar ai.

http://koha.net/?id=8&l=84664