KEK-u nuk gaboi!

KEK-u kishte të drejtë. Faturat e energjisë elektrike për muajin janar, të cilat u kontestuan nga qytetarët me protesta, kryesisht ishin në rregull. Kështu ka konstatuar komisioni hetimor parlamentar i themeluar nga Kuvendi i Kosovës për të hetuar nëse vërtet kishte fryrje të faturave nga Korporata Energjetike e Kosovës.

Në raportin të cilin e posedon Gazeta Tribuna shihet se ky komision ka gjetur se gjatë kësaj periudhe shuma totale e energjisë së faturuar në euro pas hetimeve del të jetë më e lartë se një vit më parë për mbi 1 milion euro.

Kjo shumë sipas rezultateve del t’u jetë ngarkuar konsumatorëve kryesisht për shkak të gabimeve teknike dhe pjesa më e madhe e saj është nga energjia e faturuar me orët digjitale të cilat nuk e masin gjatë ditës shpenzimin e energjisë në bazë të tarifës së lirë (Tribuna).