Kë e ka zemër?

Duket se dashuria mes këngëtares dhe ish misit shqiptar është e pafund. Së paku njëra-tjetrën kështu e konsiderojnë në rrjetet sociale. “O zemra ime @valbonaselimllari e bukura e dheut , jam shumë lumtur që kam njohur dikë si Ty, nuk thonë kotë “si ke pamjen ashtu ke dhe zemrën ” të përqafoj shumë”, kështu ka shkruar këngëtarja Leonora Jakupi në llogarinë e saj të rrjetit social “Instagram”, duke dëshmuar edhe njëherë se sa mikeshë të mirë e ka ish misin shqiptar Valbona Selimllarin.

Por, as kjo e fundit nuk ka qëndruar duarkryq, komplimentit të bukur iu përgjigj me një të atillë. “Ti je një yll i bukur, u kënaqa shume që të pash. Përqafime”, ishte përgjigjja e bukuroshes 41-vjeçare shqiptare ndaj mesazhit të këngëtares shqiptare. Ndërsa së fundi këngëtarja ka vizituar qytetin gjerman të Dusseldorf-it, ku ka shfrytëzuar edhe rastin që të bëjë disa fotografi në një natyrë të bukur.

Megjithatë, nuk dihet nëse thjeshtë kjo vizitë ka qenë vetëm familjare apo për ndonjë interes të caktuar, por këngëtarja është e njohur që pra çdo projekti muzikor, i “jep” vetes një pushim, gjithnjë për të qenë sa më në formë para publikut të saj.