KDI dhe Vitia të përkushtuara që përmes dëgjimeve buxhetore të arrijnë realizimin e kërkesave të banorëve të lokaliteteve

Viti – Përfaqësues të Institutit Demokratik të Kosovës, kanë zhvilluar sot një takim me bordin e drejtorëve komunal të komunës së Vitisë, me të cilët kanë diskutuar për anketimin e fundit të zhvilluar gjatë muajve prill, maj, qershor, me që rast edhe kanë bërë skanimin e problemeve që i kanë identifikuar qytetarët, si nevoja prioritare të projekteve në të ardhmen.

Përfaqësuesit Ahmet Rushiti dhe Adelina Hasani kanë bërë të ditur se misioni i KDI-së është që të mbështes zhvillimin e demokracisë duke fuqizuar qytetarët dhe sektorin joqeveritar për të ndikuar në rritjen e transparencës, përgjegjshmërisë dhe llogaridhënies së institucioneve qeveritare dhe përmirësimit të efikasitetit të këtyre institucioneve, përmes pjesëmarrjes së qytetarëve në vendimmarrje.

Në këtë kontest, ata u shprehën të interesuar që të përfshijnë dhe adresojnë kërkesat dhe nevojat e qytetarëve, përmes dëgjimeve publike. Po ashtu njoftuan edhe rreth hulumtimit të bërë nga KDI në 11 komuna të Kosovës, mes të cilave edhe të Vitisë, ku janë identifikuar problemet dhe nevojat e banorëve në lokalitetet e komunës së Vitisë.

Besjan Haziri që është angazhuar si pjesë e projektit për rritjen e llogaridhënies së institucioneve të qeverisjes lokale në rolin e koordinatorit në terren për komunat e Vitisë dhe Kamenicës, prezantoi rezultatet e këtij anketimi, ku në bazë të këtyre anketimeve komuna e Vitisë del në nivel të kënaqshëm sa i përket infrastrukturës rrugore, trotuareve, sistemit të kanalizimit, por që në anën tjetër ballafaqohet me probleme që janë edhe të nivelit nacional si ujësjellësi, menaxhimi i mbeturinave, problemi i transportit publik dhe stafit mjekësor nëpër punktet shëndetësore nëpër lokalitete.

Megjithatë, përfaqësuesit e KDI-së u shprehën të kënaqur me bashkëpunimin e deritanishëm me komunën e Vitisë, njeherit edhe shprehën interesim për organizmin edhe të disa dëgjimeve buxhetore nëpër lokalitete, krahas atyre që janë paraparë të mbahen nga data 15 gusht./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).