UBT

KBI shtroi iftar për afaristët e Gjilanit

/ 2 minuta lexim

Gjilan – Këshilli i Bashkësisë Islame i komunës së Gjilanit në restorantin”Planet“ shtroi iftar për afaristët e Gjilanit, ku me këtë rast mori pjesë edhe kryeimami i Bashkësisë Islame të Kosovës, Vedat ef. Sahiti.

Kryetari i Këshillit të Bashkësisë Islame Naim ef. Aliu falënderoi afaristët për pjesëmarrje në iftarin e shtruar enkas për ta, duke iu falënderuar edhe për kontributin e tyre që kanë dhënë Këshillit të Bashkësisë Islame të Gjilanit.

Në emër të afaristëve Berat Mustafa kryetar i bordit të prodhuesve të Kosovës, falënderoi Këshillin dhe Bashkësinë Islame të Kosovës për përkushtimin dhe kryerjen e obligimeve të tyre ndaj besimtarëve, duke u zotuar se bashkëpunimi dhe përkrahja nuk do të mungoj edhe në të ardhmen.

Uji Dea

Në emër të kryesisë së Bashkësisë Islame organizatorin dhe pjesëmarrësit në iftar i përshëndeti kryeimami i Bashkësisë Islame të Kosovës Vedat ef. Sahiti, i cili shprehu falënderim për KBI të komunës së Gjilanit për organizimin dhe për pjesëmarrjen e afaristëve në iftarin e organizuar.

Në fund Këshilli i BI i komunës së Gjilanit, afaristët i nderoi me nga një dhuratë modeste thuhet në njoftimin e Ilaz Mustafes./rajonipress/