KBI ndihmoi me 8 mijë kg mish nevojtarët e Gjilanit

Gjilan – Shoqata Humanitare Bamirëse “Bereqeti” dega në Gjilan e cila funksionon në kuadër të Bashkësisë Islame të Kosovës ndihmoi familjet në nevojë të KK Gjilanit me 8 mijë kg mish të kurbanit.

Familjet që përfituan nga kjo ndarje janë: familjet me jetim, Shoqata e veteranëve të luftës dhe familjet e dëshmorëve, shoqata e “Hendikos”, Shoqata e të “verbërve”, familjet e komunitetit romë si dhe familjet me gjendje të vështirë sociale në Komunën e Gjilanit.

Sipas koordinatorit Iljaz Mustafa mishi i ndarë për këto familje është nga organizimi i therjes së kurbanëve në Bashkësinë Islame të Kosovës. Lusim Zotin e madhërishëm që donatorët t`i shpërblejë me të mirat e Tij të pakufishme thuhet nw njoftimin e Agim Hysenit./rajonipress/