KBI ndanë 100 pako ushqimore dhe 3750 kg miell për nevojtarët e Gjilanit

Gjilan – Për shkak të gjendjes së rëndë e cila po mbretëron këtyre ditëve për shkak të pandemisë së Coronavirusit edhe Këshilli i Bashkësisë Islame në Gjilan ka ndërmarrë një aksion për të ndihmuar familjet në nevojë.

Familjet të cilat kanë përfituar një pako ushqimore janë familjet me jetimë dhe disa familje të cilat janë në asistencë sociale. Pakoja ushqimore përbëhej nga gjërat më elementare për ushqim si : miell, makorana, sheqer, kripë etj.

Kryetari i Këshillit të Bashkësisë Islame Naim Aliu theksoi se “ne do t’i ndihmojmë këto familje duke shpresuar që sado pak u lehtësojmë gjendjen e tyre për disa ditë”./rajonipress/