KB “DRITA” dominiuese ndaj KB ”SFERA”

Gjilan – KB ”Drita” me gjysmë forcë e dominon plotësisht klubin basketbollistik nga Drenasi KB“Sfera” duke përmbyllur këtë takim me rezultat 83:55 në favor të KB”Drita”.

Në ndeshjen e radhës të superligës së Kosovës për femra në basketboll, KB ”Drita” nga Gjilani “shkel” vashat e KB ”SFERA” si me lojë, po ashtu edhe me rezultat.

Në dy periudhat e para të lojës, trajneri i KB”DRITA”, z. Agron Kurtalani i asistuar edhe nga Afrim Selimi, taktizoi në lojë dhe dukej lojë e nivelizuar, por me të filluar pjesa e dytë, respektivisht periudha e tretë, trajneriiI KB”Drita”, në lojë futi pesëshen më të fortë, dhe krijoi diferencë shumë të madhe në rezultat me ç`rast u dorëzuan edhe vashat e KB”SFERA”, kurse në periudhën e katërt z. Kurtalani, duke parë se epilogu i ndeshjes dihej shumë më herët, angazhoi pesëshen e dytë, por përkundër kësaj, edhe këto vasha, jo vetëm që ruajtën diferencën, por edhe e shtuan, për të përmbyllur në fund me rezultat 83:55./rajonipress/