Katërfishohet vlera e Mërgim Berishës në “Transfermarkt”

Mërgim Berisha po kalon nëpër një formë të jashtëzakonshme te Salzburgu në Austri.

Futbollistit nga Kosova falë golave dhe paraqitjeve fenomenale i është rritur vlera në “Transfermarkt” nga 2.5 milionë euro në dhjetë milionë euro, shkruan “Zeri.info”.

Ai është bërë futbollisti kryesor i skuadrës elitare austriake, derisa këtë edicion ka realizuar shtatë gola në kampionat për dhjetë ndeshje.

Gjithashtu, edhe në Ligën e Kampionëve ka realizuar katër gola.

Pra, vlera e tij në faqen e specializuar “Transfermarkt” është katërfishuar.

Ndryshe, Berisha ka qenë në “radarin” e disa klubeve evropiane së fundmi, në mesin e tyre edhe të Sampdorias në Serie A.

Gjithashtu, ai pritet ta pranojë edhe ftesën nga Përfaqësuesja e Kosovës. /Zeri.info