Fundamenti

Katër vite pa hendbollistin e trajnerin e mirënjohur Agim Shkodra

/ 2 minuta lexim

Gjilan – 23 dhjetori i vitit 2019 ishte i kobshëm për familjen e hendbollin gjilanas e kosovarë, në moshën 59- vjeçare patë ndërruar jetë hendbollisti trajneri e përzgjedhësi i Kosovës në hendboll Agim Shkodra.

Me ndarjen nga jeta KH Drita dhe komuniteti i hendbollit të Kosovës ishte ndarë nga njeriu i cili një jetë të tërë ja kushtoi hendbollit duke mos u ndalur në asnjë moment Agim Shkodra karrierën e hendbollit e zhvilloi si portier në skuadrën e Bozhurit më vonë Drita duke vazhduar në Buduqnostit të Pejës po ashtu ishte edhe në KH Kosova të Vushtrrisë.

Ish portjeri e trajneri legjendar kontribut të jashtëzakonshëm kishte dhënë në periudhën 1991-99 kur u pavarësua sporti kosovar.

Pas luftës Shkodra me shumë sukses udhëhoqi skuadrën e Dritës në dy konkurrencat KH Kosovën, KH Prishtinën e cila garonte në garat ndërkombëtare po ashtu me shumë sukses kishte udhëhequr KH Zhegra dhe ishte përzgjedhës në dy konkurrencat e meshkujve e të femrave të hendbollit të Kosovës të grup moshave të reja.

Fidanishtja

Puna e ish-trajnerit Shkodra po i mungon jo vetëm hendbollit Gjilanas por edhe atij të Kosovës, pasi që ish trajneri Shkodra nga duart e tij kishte zbuluar shumë talent e talente që dikur më vonë kanë qenë hendbollist kryesorë në klubet e tyre Agim Shkodra ishte pionier i hendbollit Gjilanas duke dëshmuar kualitete të larta në mes portave, ai ishte një sportist që gjatë do ta kujtojmë për punën e tij shembullore si edukative edhe profesionale.

Ish hendbollisti e trajneri Agim Shkodra ishte dhe do të mbetet ikonë e hendbollit Gjilanas në përvjetorët e tij tifozët “Intelektualët” në shenjë të respektit për Agim Shkodrën kanë shkruar transparente në fusha të futbollit e në palestër.

Tani e katër vite familjes, hendbollit e qytetit të Gjilanit po i mungon njeriu i cili dha gjithçka nga vetja vetëm për të mirën e hendbollit qytetin e popullin e Gjilanit që shumë e deshti ne sot pas katër vite nga ndarja e tij nga ne i themi faleminderit ikonë gjithçka që bërë për ne, prehu në paqe.