Katër mënyra për të përdorur vajin e ullirit kundër kapsllëkut

A e keni ditur se vaji i ullirit ndihmon në zbutjen e jashtëqitjes dhe lehtëson nxjerrjen jashtë derisa e parandalon kapsllëkun? Nëse i kombinoni këta përbërës, mund t’i lehtësoni efektet e kapsllëkut.

Vaj ulliri dhe lëng limoni

Ky ilaç shtëpiak është shumë i thjeshtë, i lirë dhe i lehtë për t’u përgatitur derisa edhe vepron shpejt, por mos harroni, mos shtoni shumë limon. Nëse e bëni, do të shtoni thartirën në stomakun tuaj. Duke e konsumuar rregullisht gjatë natës, ndihmoni në lëvizjen e zorrës së trashë, ia shtoni lagështinë dhe lehtësoni kapsllëkun. Përbërësit: 1 lugë lëng limoni (5 ml) 1 lugë vaj ulliri (15 ml) Përgatitja: Përzieni përbërësit së bashku dhe e konsumoni.

Vaj ulliri dhe jogurt

Megjithëse mund t’ju duket si një përzierje aspak e zakonshme, ofron shumë dobi. Në fakt, jogurti është burim natyral i bakterit fermentues që ndihmon në tretjen më shpejt të ushqimit. Përbërësit: 1 gotë jogurt (250 ml) 1 lugë vaj ulliri (15 ml) Përgatitja: Shtoni një lugë vaj ulliri në gotën me jogurt dhe i përzieni mirë. E pini tri herë në ditë në stomak të thatë. Si rezultat, nuk do të keni më as bark të fryrë..

Vaj ulliri dhe banane

Bananet e dimë se janë të pasura me kalium. Ky kombinim zorrëve tuaj i ofron mjaftueshëm kalium për t’i kryer funksionet vitale. Si rezultat, kjo parandalon grumbullimin e gazrave dhe të ënjturave. Përbërësit: 1 banane 1 lugë vaj ulliri (15 ml). Përgatitja: Së pari, qëroni dhe copëtoni bananen në rriska. Më pas, e përzieni me vajin e ulliri. Kur të jetë formuar një pastë e butë, e konsumoni.

Vaj ulliri dhe kafe

Po, mirë e lexuat. Kafeina është stimulues i fortë për muskujt e zorrës së trashë. Në të njëjtën kohë e zbut edhe jashtëqitjen. Përbërësit: 1 gotë kafe të nxehtë (250 ml) 1 lugë vaj ulliri (125 ml) Përgatitja: Së pari, kombinoni të dy përbërësit. Më pas e konsumoni në mëngjes.

(Kosova Sot)