Katër mënyra për humbje në peshë me uthullën e mollës

Uthulla e mollës ka veti të shumta shëruese dhe mund ta përdorni duke filluar për zierje, pastrim të shtëpisë, e deri te heqja e kilogramëve shtesë. Kilogramët lehtë fitohen, por vështirë humben. Faktorë të caktuar si stresi, gjenet, ushqimi i dëmshëm, ndryshimet hormonale, konsumimi i ushqimeve të përpunuara në mënyrë industriale, alkooli dhe disa ilaçe, mund të shkaktojnë mbipeshën. Mirëpo, konsiderohet se në shumë mënyra, uthulla e mollës ju ndihmon të humbni shëndetshëm në peshë.

UTHULLA E MOLLËS ME ÇAJ TË GJELBËR

Çaji i gjelbër posedon veti shëruese që kanë ndikim pozitiv në shkrirjen e dhjamit. Përbërësit antioksidues të çajit të gjelbër përshpejtojnë funksionimin e metabolizmit tuaj dhe shkrirjen e dhjamit. Udhëzime për përgatitjen e çajit të gjelbër me uthull të mollës: Qiteni një gotë ujë të vlojë, e më pas shtoni gjethet e çajit të gjelbër aty. Përsëri e vloni edhe për 2-3 minuta. Pastaj shtoni edhe 2 lugë mjaltë dhe 1 lugë uthull molle. Çajin ta konsumoni çdo ditë, para kafjallit.

UTHULLA E MOLLËS ME MJALTË PËR HUMBJE NË PESHË

Mjalti paraqet preparatin ideal për humbje në peshë në mënyrë natyrale duke përshpejtuar shkrirjen e yndyrës. Mënyra e përgatitjes së preparatit natyral nga mjalti dhe uthulla e mollës: Në një gotë ujë shtoni 3 lugë uthull të parafinuar të mollës dhe 2 lugë mjaltë. Sipas dëshirës, mund të hidhni pak kanellë për shije më të ëmbël. Sugjerohet ta konsumoni pak para shujtës. UTHULLA E MOLLËS ME HUDHRËN Uthulla e mollës në kombinim me hudhrën paraqet përzierjen e fuqishme për humbje në peshë. Hudhra njihet për vetitë e shumta për shëndetin, e po ashtu edhe si një nga preparatet e përdorshme për humbje në peshë. Udhëzime për përdorimin e përzierjes me uthull dhe lëngun e hudhrës: Lëngun të fituar nga shtrydhja e hudhrës ia shtoni 2 lugë uthull të mollës, 2 lugë mjaltë, pluhur të specave pikantë të bluar dhe lëng limoni. Përgatitjen e pini një herë në ditë.

LËNGU I LIMONIT DHE UTHULLA E MOLLËS

Kombinimi i lëngut të limonit dhe uthullës së mollës paraqet një nga preparatet më efektive për humbjen në peshë. Limoni ndikon në detoksikimin e organizmit dhe tretjen e rregullt. Si ta konsumoni këtë preparat të dobishëm: Përzieni 3 lugë lëng limoni, gjysmë luge piper, 1 lugë mjaltë dhe 2 lugë uthull në një gotë me ujë. Përzierjen e pini çdo mëngjes para kafjallit, për një periudhë tremujore.

(Kosova Sot)