Katër aktakuza të ngritura dhe dy persona të ndaluar për dhunë në familje

Gjilan – Prokuroria Themelore në Gjilan, gjatë 24 orëve të fundit, me urdhër të prokurorit, ka ndaluar dy (2) persona, në kohëzgjatje prej 48 orëve, si dhe ka ngritur katër (4) aktakuza, kundër katër (4) personave, për vepra të ndryshme penale.

Ndalimet e personave me urdhër të prokurorit:
Prokuroria Themelore në Gjilan, në dy raste të ndryshme, të hënën me datë 18.08.2025 ka ndaluar dy (2) persona të dyshuar, njëri për veprën penale “Dhuna në familje”, nga neni 248, të Kodit Penal të Republikës së Kosovës”, dhe tjetri, për veprën penale “Asgjësimi, dëmtimi, heqja e pajisjeve mbrojtëse apo rrezikimi i sigurisë në vendin e punës” nga neni 358 i Kodit Penal të Kosovës.
Aktakuzat:
Prokuroria Themelore në Gjilan, ka ngritur katër (4) aktakuza, kundër katër (4) personave, për veprat penale, si në vijim:
Dy (2) aktakuza, kundër dy (2) personave, për veprën penale “Posedimi i paautorizuar i narkotikëve, substancave psikotrope ose analoge”,
Një (1) aktakuzë, kundër një (1) personi, veprën penale “Asgjësimi apo dëmtimi i pasurisë”,
Një (1) aktakuzë, kundër një (1) personi, për veprat penale “Mbajtja në pronësi, kontroll ose posedim të paautorizuar të armëve” dhe “Kanosje”./rajonipress/