Kastrati viziton Poliqkën, të izoluarit po i respektojnë udhëzimet

Kamenicë – Nga ekipi policor që e monitoron këtë pjesë, u njoftuam mbi gjendjen aktuale në fshat. Të gjithë nga të izoluarit po i respektojnë udhëzimet, për çka shpresoj që edhe katër personat e mbetur nga Poliqka, do të shërohen plotësisht. Faleminderit qytetarëve për përgjegjshmërinë e treguar gjatë gjithë kësaj kohe, koordinatorin Basha dhe gjithë kolegët tjerë për punën, tha Qëndron Kastrati.

Kryetari Qëndron Kastrati së bashku me koordinatorin e Shtabit Komunal Ramadan Basha vizitojnë fshatin Poliqkë

Komuna e Kamenicës është duke u shëruar nga COVID-19, pasiqë nga 39 persona të infektuar, 35 prej tyre janë shëruar.

Kryetari i Komunës Qëndron Kastarti së bashku me koordinatorin e Shtabit Emergjent Komunal, kanë vizituar sot fshatin Poliqkë. Fshatë në të cilin janë akoma të infektuar dhe një person pritet të ritestohet sot.

Kastrati tha se nga ekipi policor u njoftua mbi gjendjen aktuale, dhe se të gjithë të izoluarit po i respektojnë udhëzimet e dhëna.

“Nga ekipi policor që e monitoron këtë pjesë, u njoftuam mbi gjendjen aktuale në fshat. Të gjithë nga të izoluarit po i respektojnë udhëzimet, për çka shpresoj që edhe katër personat e mbetur nga Poliqka, do të shërohen plotësisht. Faleminderit qytetarëve për përgjegjshmërinë e treguar gjatë gjithë kësaj kohe, koordinatorin Basha dhe gjithë kolegët tjerë për punën”, tha Kastrati.

Ndërsa koordinatori i Shtabit Emergjent Komunal, Ramadan Basha, tha se gjendja momentale në Kamenicë është e qetë, dhe se në ditët në vijim duhet një bashkëpunim dhe kujdes më i madh nga qytetarët.

“Kamenica po i rikthehet normalitetit të dikurshme, të gjithë bashkë na duhet edhe pak disiplinë dhe kujdes. Respektoni rekomandimet e dhëna nga organet kompetente”, ka thënë Basha. Rri në shtëpi, bashkë mund t’ia dalim./rajonipress/