Kastrati: Vitin e ardhshëm do të përmirësojmë ambientin e biznesit
Kamenicë – Në një takim që ka pasur me bizneset Qëndron Kastrati ka thënë se u pajtuam të intensifikojmë bashkëpunimin për vitin e ardhshëm me qëllim përmirësimin e ambientit të biznesit në vend si dhe kontributin në komunitet.
“Për të shënuar një vit me të arritura, bashkëpunim të mirë e zhvillime të ndryshme, u takuam me komunitetin e biznesit dhe organizatave joqeveritare në Kamenicë. Diskutuam për vitin që lamë pas, projektet e përbashkëta dhe sfidat që kaluam. U pajtuam të intensifikojmë bashkëpunimin për vitin e ardhshëm me qëllim përmirësimin e ambientit të biznesit në vend si dhe kontributin në komunitet. Falënderojmë Institucionin Mikrofinanciar KEP për mbështetjen e këtij aktiviteti” ka shkruar Kastrati./rajonipress/