Kastrati: Puna e Ramadan Bashës si punëtor i madh e njeri me vlera të mirëfillta na ka inspiruar të gjithëve

Kamenicë – Puna dhe përkushtimi i kolegëve të kabinetit po vlerësohet përtej perimetrit të komunës së Kamenicës ka shkruar Qëndron Kastrati për angazhimin e Ramadan Bashës në sferën e shërbimeve publike.

“Pata nderin t’i ndajë obligimet e angazhimin për shërbime publike me Ramadan Bashën.
Dani si punëtor i madh e njeri me vlera të atdhetarisë na ka inspiruar të gjithëve. Ne jemi krenarë që ai do të avancohet në karrierë, edhe pse nuk do të jetë më pjesë e ekipit. Puna e Danit përdoret si ekzemplar në gjithë Kosovën. Fusha e menaxhimit të mbeturinave është adresuar në detaje dhe ka pasur zhvillim të dukshëm; punët në terren ku Dani ka dalë me veturë private; reagimet aty ku ka pasë nevojë 24h në ditë; e koordinimi i shkëlqyeshëm i shtabit emergjent në kohë pandemie, janë vetëm disa nga punët që Dani me ekipin që e ka koordinuar për lakmi, i ka realizuar. Dani e don sistemin dhe rregullin, por është fleksibil e kreativ. I urojmë suksese në rrugëtimin e tij profesional” ka shkruar Kastrati./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).