Kastrati: Pandemia nuk njeh nacionalitet, jemi afër qytetarëve pa dallim
Kamenicë – Pandemia nuk njeh nacionalitet. Të gjithë bashkë po punojmë pa ndalë, që të jemi afër qytetarëve pa dallim ka thënë Qëndron Kastrati.
Me nënkryetarin Stamenkoviç dhe koordinatorin e shtabit emergjent Basha, takuam vullnetarët nga komuniteti serb të cilët po na ndihmojnë në shpërndarjen e pakove ushqimore e higjienike për komunitetet pakicë.
Deri më tani, janë shpërndarë 87 pako për familjet nga komuniteti serb dhe 65 pako për familjet nga komuniteti rom. Falënderojmë organizatën IOM dhe gjithë donatorët e tjerë, ndërkohë që angazhimi i ynë vazhdon edhe për familjet e tjera ka shkruar Kastrati./rajonipress/