Kastrati mposht kapitenin

Dueli mes shqiptarëve në Norvegji i ka takuar Stromgodsetit të Flamur Kastratit. Ndeshja e zhvilluar mes Stromgodsetit të sulmuesit të Përfaqësuese së Kosovës, Flamur Kastratit dhe Sandnesit të kapitenit tonë Anel Rashkaj i ka takuar vendasve me rezultat minimal 1:0.

Sulmuesi në top-formë, Kastrati e ka filluar ndeshjen nga minuta e parë, ndërsa ka qenë më aktivi në fushë, duke pasur edhe disa raste të mira shënimi mirëpo që nuk arriti t’i konkretizojë me gol. 22-vjeçari ka qenë në fushë deri në minutën e 65-të ku më pas u zëvendësua nga Odegaard. Ndërkohë tek mysafirët titullarë ishte kapiteni i Përfaqësueses së Kosovës, Anel Rashkaj.

Aneli ka luajtur gjatë gjithë pjesës së parë për tu zëvendësuar pastaj në fillim të pjesës së dytë. Në këtë ndeshje nuk është parë mbrojtësi Avni Pepa i cili vazhdon të vuaj nga lëndimi. Pas kësaj fitore Stromgodseti ndodhet në pozitën e dytë me 27 pikë të tubuara, ndërsa Sandnesi i Anel Rashkajt është në pozitën e fundit me 10 pikë.