Kastrati mburret me investimet në sektorin e bujqësisë

Kamenicë – Për shkak të qasjes, angazhimit dhe kontakteve të shpeshta me stafin, vetëm brenda tri viteve, është investuar në bujqësi në vlerë prej rreth 5.26 milion euro. Pra, VETËM 3 VITE! Shifër kjo, e lartë në krahasim me dy mandatet e kaluara që në periudhën 2010-2017, është investuar 5 milion e 413 mijë euro ka shkruar Qëndron Kastrati.

Pra, pothuajse e njëjta vlerë për tetë vitet e kaluara, me vetëm tri vite të qeverisjes sonë! Dhe deri në fund të mandatit do ta bëjmë dallim të dukshëm me të dy mandatet e kaluara së bashku.

Dallimi ynë me qeverisjet paraprake është i matshëm me të gjitha parametrat. Qoftë financiar, qoftë në gatishmërinë për shërbim ndaj qytetarëve!

Stafi i Drejtorisë së Bujqësisë, në krye me drejtorin Naim Arifi, kanë dhënë kontribut të jashtëzakonshëm përgjatë këtyre tri viteve. Faleminderit të gjithëve!
Vazhdojmë me punë!