Kastrati: FSK-ja është në rrugë të sigurt

Pak ditë para se të pensionohet, komandanti i FSK-së, gjeneral lejtënant Kadri Kastrati ka vlerësuar se kjo forcë është në duar dhe rrugë të sigurt drejt misionit të ri, atë të Forcave të Armatosura të Kosovës.

Kastrati i cili të premten është dekoruar nga presidentja me ‘Urdhrin e Pavarësisë’, në këtë intervistë dhënë Epokës së rë, ka thënë se koha e tij më e artë e karrierës ishte pas çlirimit, duke i shërbyer Kosovës dhe popullit të saj.

Kastrati ka thënë se i ka mbetur merak që gjatë mandatit të tij nuk u arrit të formalizohet shndërrimi i FSK-së në Forca të Armatosura të Kosovës.

“Por sidoqoftë, FSK-në po e lë në gjendje jashtëzakonisht të mirë dhe në duar të sigurta”,është shprehur Kastrati./Indeksonline/