Kastrati e quan të rëndësishëm rregullimin e kanalizimit në lagjen “Dëshmorët e kombit”

Kamenicë – Punimet për rregullimin e problemit të kanalizimit në lagjen e re afër shkollës “Dëshmorët e Kombit”, janë duke vazhduar. Kryetari Qëndron Kastrati ka thënë se ky projekt është mjaft i rëndësishëm për banorët që jetojnë në atë pjesë.

“Në vazhdën e rregullimeve të problemit me kanalizim në lokalitete të ndryshme të komunës sonë, po vazhdojnë punimet për rregullim edhe tek lagja e re, afër shkollës “Dëshmorët e Kombit”.

Shefi i kabinetit Meriton Ramabaja e akterë të tjerë përfshirës, sot kanë vizituar punimet e këtij projekti tejet të rëndësishëm për banorët e kësaj pjese. Vazhdojmë”, ka shkruar ai.

Ndërkaq, shefi i kabinetit Meriton Ramabaja i cili po monitoron punimet nga afër, tha se projekte të tilla që ndikojnë në mirëqenien e qytetarëve të Kamenicës do të vazhdojnë.

Sipas tij, çështja e kanalizimit është një nga shqetësimet e banorëve, për çka edhe janë duke u angazhuar vazhdimisht në zgjidhjen e këtij problemi./rajonipress/