Kastrati dëgjon sfidat dhe problemet që kanë banorët e fshatit Meshinë

Kamenicë – Kryetari Kastrati së bashku me drejtorin Arifi dhe drejtorin Ibrahimi vizitojnë banorët e Meshines, diskutojnë për sfidat e tyre.

Qëndron Kastrati së bashku me drejtorin e Drejtorisë për Bujqësi, Pylltari dhe Zhvillim Rural, Naim Arifi dhe drejtorin e Drejtorisë për Kulturë, Rini dhe Sport, Arianit Ibrahimi kanë vizituar sot banorët e fshatit Meshinë.

Kastrati ka thënë se gjatë kësaj vizite ka dëgjuar sfidat dhe problemet që kanë banorët e këtij fshati.
“Ditën e nisa në Meshinë, me disa nga banorët e këtij fshati. Dëgjova sfidat e problemet me të cilat hasin dhe diskutuam për gjendjen e banorëve e fshatit në përgjithësi. Kërkesat e tyre ishin modeste, për çka edhe i falënderoj, sepse qytetarët tanë e kanë të qartë që buxheti i një komuneje si Kamenica është tejet i vogël në raport me nevojat e këtij vendi të shpërndarë territorialisht”, ka thënë Kastrati.

Drejtori Naim Arifi tha se me banoret e fshatit Meshinë kanë diskutuar për vështirësitë që ata kanë.
“Ne i dëgjuam sfidat e tyre. Jemi duke u munduar si komunë me buxhetin që kemi që t’iu dalim në ndihmë këtyre banorëve”, ka thënë ai./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).