Kasami shpallet kampion i Greqisë

Olympiacosi ka fituar Superligën e Greqisë për herë të 43-të në histori të klubit, pas fitores prej 3-0 ndaj Verias.

Kampioni siguroi titullin matematikisht gjashtë javë para fundit.

Olympiacosi tani ka 67 pikë në tabelë, 21 para AEK-ut që është i dyti.

Kjo është hera e gjashtë radhazi që ky klub shpallet kampion dhe e 18-ta në 20 sezonet e fundit.

Këtij triumfi natyrisht se i bashkohet edhe futbollisti shqiptar, Pajtim Kasami, i cili e ka shijuar për herë të dytë titullin e kampionit, pas atij në sezonin e kaluar.

Mesfushori që e përfaqëson Zvicrën luan te klubi grek që nga viti 2014 kur u transferua nga Fulhami. /Telegrafi/