Kasami pretendent për golin më të mirë të vitit

Mesfushori shqiptar, Pajtim Kasami, është pretendent për çmimin Puskas Award që jepet për golin më të mirë të vitit.

Shqiptari për këtë çmim është përzgjedhur me golin që e shënoi sa ishte lojtar i Fulhamit kundër Crystal Palacet. Ai ndal topin me gjok dhe më pas me një goditje volej mposht portierin nga një kënd i vështirë, raporton Koha.net.

Pas realizimit, goli i Kasamit ishte krahasuar me atë të legjendës holandeze Marco Van Basten kur kishte shënuar një gol të ngjashëm me fanellën e “Tulipanëve”.

Për këtë çmim,Kasami do të t’i ketë Tim Cahillin, Diego Costan, Marco Fabianin, Zlatan Ibrahimovicin, Stephanie Rochen, James Rodriguezin, Camilo Sanvezzon, Hisato Saton dhe Robin van Persien.