Kasami, i lumtur tek Olympiacosi

Mesfushori shqiptar, Pajtim Kasami, po ndihet i lumtur te skuadra greke Olympiacos.

Ai pret që të luajë rregullisht te kjo skuadër. Mesfushori 22-vjeçar nga Struga me Olympiacosin ka firmosur kontratë deri në qershor të vitit 2018.

“Jam i kënaqur me klubin e ri. Po kaloj mirë dhe jam i lumtur. Pres të luaj shumë te Olympiacosi”, ka thënë Kasami të enjten për gazetën. Ai me skuadrën greke do të garojë edhe në Ligën e Kampionëve. Reprezentuesi i Përfaqësueses së Zvicrës më herët ka luajtur edhe për Fulhamin, Luzernin, Palermon, Bellinzonan, Lazion, pastaj për të rinjtë e Zuerichut e Liverpoolit.

Kasami vlerësohet një nga lojtarët me perspektivë nga ekspertët në Zvicër.
© KOHA.net