Karateistja nga KK “AS”, Hatixhe Zejnullahu kampione e Kosovës për Seniore

Njëra ndër karateistet më të talentuara në Kosovë, Hatixhe Zejnullahu e klubit të karatesë “AS” nga Gjilani, në kampionatin shtetëror i cili u zhvillua në kryeqytetin e Kosovës, me plot meritë është stolisur me medalje të artë duke u bërë kampione e Kosovës për Seniore gjerë në 50kg.

Karateistja Zejnullahu edhe njëherë ka dëshmuar se ka një karrierë tejet me perspektiv duke treguar cilësi të larta në këtë kampionat shtetëror.

“Ishte një kampionat mjaft interesant me plot karateiste shumë të mira, isha e përgatitur maksimalisht dhe ja dola që të stolisem me titull të kampiones dhe për këtë jam shumë e lumtur, por dua ta falënderoj trajnerin tim Alban Beqirin i cili me punën e tij profesionale që po bën në klubin tonë po dëshmojnë edhe rezultatet e arritura”, ka bërë të ditur talentja e karatesë, Hatixhe Zejnullahu./rajonipress/