Karateisti Elhami Shabani nënshkruan kontratë me KOK

Njëri ndër karateistët më të mirë në Kosovë, gjilanasi Elhami Shabani, ka nënshkruar kontratë me Komitetin Olimpikë të Kosovës, dhe i cili do të përfiton nga 100 euro në muaj, për përgatitjet kualifikuese në Olimpiadën e Tokios e cila do të mbahet në vitin e ardhshëm.

Karateisti Shabani i cili është karateisti më i mirë na Kosovë në kategorinë gjerë në 75 kg, lidhur me këtë kontratë përfituese ka thënë.
“I jam falënderues Komitetit Olimpik të Kosovës për këtë shumë simbolike, e cila sado pak na lehtëson për disa gjëra elementare gjatë përgatitjeve të rënda dhe të shtrenjta të cilat i bëjmë në fazat përgatitore, unë nga vetja ime do të jap më të mirën që të fitoj normën Olimpike, por i gjithë fokusi im është në garat e Parisit që do të mbahen në muajin Maj të vitit të ardhshëm, ku tri pozitat e para direkt të plasojnë drejt Tokios”.

Një shumë e tillë e ndarë nga KOK-së është shumë pak për një sportist për përgatitjet në Olimpiadë, por shpresohet se shumë Kompani të Gjilanit do ti dalin në ndihmë talentit të rrallë të karatesë Elhami Shabanit./rajonipress/