Karaqeva përkrah Lenjanin, tani kërkesat i drejtojnë në MAPL

Kamenicë – Selver Lenjani ka marrë përkrahje të fuqishme nga shoqëria civile dhe tërë fshati Karaqevë. Sipas tij tash banorët kanë vendosur që të gjitha kërkesat e tyre t`i dorëzojnë në MAPL dhe ta bojkotojnë Begzad Sinanin i cili një ditë më parë ka fyer Lenjanin.

Selver Lenjani pas përplasjes që pati me Begzad Sinanin i cili sipas tij i ka thënë “shko në g..të k..” ka marrë mbështetje nga tërë Karaqeva, ish kreu i Kamenicës Shaip Surdulli e shoqëria civile.

Gjuha e devijuar e Begzad Sinanit ka revoltuar edhe banorët të cilët sipas Lenjanit tani e tutje kanë vendosur që të gjitha kërkesat e tyre t`i adresojnë në MAPL e jo në zyrat e Begzad Sinanit. “Nuk kemi nevojë ta ledhatojmë Begzad Sinanin sepse ai në fyti e poshtëroj. Unë bile rastin e kam paraqitur dhe në polici dhe më ka ardh rëndë tu tregoj policëve se çfarë fjalori ka përdorur Sinani ndaj meje” sqarohet Lenjani./rajonipress/